Կարիեսը խոցում է ատամի կոշտ հյուսվածքները, և առանց բուժման ախտահարումը խորանում է, վերածվում պուլպիտի, պարօոդոնտիտի, կարող է հանգեցնել նյարդի բորբոքման, արմատախողովակների ախտահարման, հաճախ՝ ատամի կորստի։
Բուժման փուլեր
- ախտորոշում, ատամի վիճակի գնահատման համար զննում։ Կարող է առաջանալ ռենտգեն պատկերի անհրաժեշտություն;
- տեղային անզգայացում. “Իմպլանտում” ատամնաբուժական կլինիկայում օգտագործվում են արդյունավետ, անվտանգ դեղամիջոցներ, ամբողջական անզգայացումը երաշխավորվում է;
- ախտահարված հյուսվածքների հեռացում;
- առաջացած կարիեսային խոռոչի բուժում, հյուսվածքների ախտահանման համար տեղային միջոցների օգտագործում.
- պլոմբավորում։
Առանց բարդությունների կարիեսի բուժումը կատարվում է 1 այցելությամբ։ Խորը ախտահարման, նյարդի մերկացման և դենտինի մասնակի քայքայման, բորբոքման առկայության դեպքում կարող է պահանջվել երկու այցելություն (դեղերի լիցք, ժամանակավոր պլոմբի տեղադրում և մի քանի օրից վերջնական պլոմբավորում):
Մենք օգտագործում ենք լուսային կարծրացման պլոմբեր՝ պատրաստված որակյալ, մինիմալ նստում տվող նյութերից։ Սա երաշխավորում է հուսալի պլոմբավորում առանց միկրոճաքերի և դատարկությունների: Պլոմբանյութն ընտրվում է ըստ էմալի երանգի, պլոմբավորման ընթացքում վերականգնվում է ատամի սկզբնական ձևը։ Տեղադրվելուց հետո պլոմբն անտեսանելի է, նման է սեփական էմալին:
