Գոյություն ունի կարիեսի բուժման մի քանի եղանակ․
- Պլոմբավորումը կարիեսի հետևանքով քայքայված ատամի ձևն ու ֆունկցիան վերականգնելու ամենատարածված և մատչելի միջոցն է:Ատամի պլոմբավորման ժամանակ, ստոմատոլոգը նախ հեռացնում է կարիեսով քայքայված ատամի հյուսվածքը, մաքրում է վարակված հատվածը, այնուհետև պլոմբավորման նյութը լցնում է մաքրված խոռոչի մեջ և փակում է հատվածները, որտեղ կարող էին ներթափանցել բակտերիաները։ Պլոմբավորումը օգնում է նաև կանխարգելել կարիեսի հետագա զարգացումը։
- Գամիկը ձողաձև կառուցվածք է, որն օգտագործվում է ատամնաբուժության մեջ՝ որպես լրացուցիչ հենարան՝ քայքայված ատամը ամրացնելու համար: Եթե ատամը քայքայվել է ավելի քան 50%-ով, գամիկի տեղադրումը քայքայված պսակի և ծամելու ունակության արագ և հուսալիորեն վերականգնման միջոց է: Այս մեթոդը տասնամյակներ շարունակ օգտագործվում է որպես պրոթեզավորման մատչելի այլընտրանք։
Կարիեսի բուժման հետաձգման դեպքում, պաթոլոգիան հասնում է միջուկին, ինչը հանգեցնում է պուլպիտ կոչվող բորբոքային պրոցեսի առաջացմանը։ Պրոցեսը չի անցնում ինքնուրույն։ Բուժման համար բժիշկը՝ համապատասխան սարքի օգնությամբ, հեռացնում է կարիեսով ախտահարված հյուսվածքները։ Այնուհետև հեռացվում է ատամի նյարդը։ Հաջորդիվ բժիշկը զբաղվում է էնդոդոնտի մեխանիկական մշակմամբ և մաքրմամբ։ Ավարտից հետո դատարկ արմատախողովակը պլոմբավորվում է, ապա տեղադրվում է մշտական պլոմբ կամ պսակ:
